Shongkun ka Proseshon Iukharist ha Umkiang Parish

Syllad | The Rising MeghalayaFebruary 18, 2024

Ka Proseshon Iukharist jong ka Umkiang Parish kaba la long ha ka 18 tarik Rymphang ha Holy Cross Parish Umkiang ka la long kaba shitrhem bad shongshit bha da ka jingwan iashim bynta ki paid riewngeit na kylleng ki Balang.

La sdang iaka Iukharis Procession da ka Mass Bakhuid kaba la khlieh da u da u Vicar General ka Jowai Diocese Fr. Martin Shylla ha ka jingiasynran lang ki lyngdoh Parish priest ka Umkiang Parish Fr. Francis Sabestian, ki sister bad ki paid riew ngeit.

Ka phang pdeng jong kane ka sngi ka long “La pyndep iaka ia bad ka hima U Blei ka la jan, To phin kylla kaba mut bad ngeit ruh iaka Gosple” (Mk 1:15).

U Vicar General ka Jowai Diocese Fr. Martin Shylla ula kren shaphang ka jingngeit bad khot ia baroh ki Lyngdoh ki riewniam bad ki paid Katholik sha ka jingkylla kaba mut khamtam eh ha kum kane ka por Lent kaba dei ka aiom kaba kyrpang jong ka balang Catholik.

U Fr. Martin Shylla ula sneng la kraw ruh iaki paid riewngeit ban phai sha ki mat kiba kongsan haka jingim Kristan ha kane ka aiom Lent kita ki mat ki long, ban jan sha U Blei, ban iasuk bad U Blei kumjuh ki para briew.

Ha kane ka sngi la don 118 ngut ki khynnah kiba la ioh pdiang ia ka Communion ba nyngkong bad 53 ngut ki Samla kiba la ioh iaka jingpynskhem.

Iaka Sakrament jingpynskhem la pyndep da u Bishop Most Rev. Ferdinand Dkhar haka sngi Saitjain.

Hadien ka jingkñia Mass, ki paid riewngeit ki la iashim bynta shitrhem ha ka jingiaid riewblei lynter ka surok Bah NH-6 ban pynpaw iaka jingiatylli bad ka jinglong kawei ha U Jisu Khrist.

Ha katei ka jingiaid riewblei, ki bangeit ki la shim bynta lyngba ki jingduwai, jingrwai iaroh pyndon burom ia u Jisu Khrist uba don ha ka Eucharist Bakhuid bad la pyniphuh iphieng shuh shuh ia katei ka jingiaid riewblei da ka jingriam lieh jong ki heprit ha ryngkat ka jingsynran lang ki sister bad ki Lyngdoh.