Shongkun ka jingrakhe 50 snem Wahiajer Presbyterian Secondary School

Syllad | The Rising MeghalayaDecember 15, 2022

Ka Wahiajer Presbyterian Secondary School kala rakhe iaka lyngkhuh snem ba 50 snem ka jingiaid lynti jong ka skul haka sngi Balang.

U kongsan uba iadonlang ha kane ka sngi u dei u ma Thombor Shiwat Chief Executive Member jong ka Jaintia Hills Autonomous District Council (JHADC) haka jingiadonlang ki dkhot EC ka JHADC u Jesse Suiam bad u Ailad Bhoi kiba la long kum ki symbud kongsan.

La iadonlang ki nongialam ka Wahiajer District kaba pyniaid ia kane ka skul, Ki Pastor bad Tymmen Basan. ki nongialam shnong Wahiajer, ki khynnah skul, ki kmie ki kpa, ki nonghikai nalor kiwei kiwei kiba shah khot sngewbha.

U CEM haba kren ula iaroh iaka bor pyniaid ka skul kiba la lah ban jam ia u mawmer ba 50 snem ka jingiaid lynti bad ula kitbok kitrwiang ba ka skul ka nang iaid shakhmat ban kyntiew iaka pule ka puthi ha katei ka thain.

Ha kane ka sngi ban pynshongshit ia kane ka jingrakhe dap 50 snem la don ka jingrwai jingshad bad lehkmen da ki khynnah skul.