Shna ïing ka Amlarem parish iaka longïing ha Jarain

Syllad | The Rising MeghalayaDecember 20, 2024

Ka Parish Amlarem da ka jingiatreilang ka seng Kynthei, seng Rangbah bad seng Samla kila pynshna iing ia kawei ka longiing na ka shnong Jarain, West Jaintia Hills District.

Ia kane ka iing kaba la dep pynshna pynitynnad la aiti haka Kong Etimon Tariang haka jingdonlang u lok bad 5 ngut ki khun haka 19 tarik Nohprah.

Ia kane ka iing thymmai la duwai bad kyrkhu kyrdoh da u Fr. Jacob Assistant Parish Priest haka jingsynrang lang ka President seng Kynthei G. Bareh nalor kiwei kiwei.

Ka seng Kynthei ka pynpaw ka jingsngewnguh ia u Parish Priest Fr. Festar Shylla bad Fr. Jacob Assistant Parish Priest bad ia baroh kiba don bynta ban kyrshan haduh ban da pyndep ia kane ka iing.