Shitom jur 5 ngut naba bam ia u tit khlaw ha Ri Bhoi

Syllad | The Rising MeghalayaJune 3, 2024

San ngut ki dkhot jong kawei ka longiing ki la ngat ha ka jingshitom jur hadien ba ki la ioh bam ia u tit khlaw uba long bih ha ka miet  2 tarik mynta u bnai ha Nongkyndang hapoh ka shnong Saiden, Ri Bhoi District.

Kane ka jingjia la ong ba ka la jia ha ka por ba ki dkhot jong kane ka longiing ki dang ia bam jamiet ha ka por kumba 8 ne 9 baje mynmiet. Ia kine ki san ngut ki dkhot jong kane ka longiing kiba la kem pang la pynkit noh mar mar sha Nongpoh Civil Hospital bad sha Bethany Hospital na ka bynta ban ioh jingsumar.

Napdeng kine ki san ngut arngut na ki la ong ba ki la don hapdeng ka jingshitom kaba kham jur bad shah sumar hapoh Behany Hospital. Kine ki san ngut ki dkhot ka longiing ki dei kiba la tip kyrteng kum ka Kong Larita Syiemlieh (Kmie), Wanphrangsngi syiemlieh (23), Daniki syiemlieh (16), Larikynti syiemlieh (14) bad u Da-u-Rijied Syiemlieh (uba dang 3 snem rta).

Katkum ka jingiathuh ka jong ki la ong ba baroh ki dang ia bam ja miet ha ka 2 tarik mynta u bnai da ka jyntah tit ba la wan kheit na kawei ka khlaw hapoh ka shnong Umran, Ri Bhoi District.

Khlad 3 ngut ki hep rit na ba bam tit khlaw ha West Jaintia Hills

Ki la ong ruh ba hadien kane iwei hadien iwei ki la pyni ia ka dak jong ka jingshitom bad sdang ban prie bad khie shit, bad dei tad haduh ka por kumba 10 haduh 11 baje mynmiet ba ki la sdang ban shitom jur bad tlot hadien ba la pynkit noh ia ki mar mar shapoh Nongpoh Civil Hospital, bad ia ki katto katne na ki kiba la shitom jur la pynkynriah noh shapoh Bethany Hospital.

Lah ban kdew ba dang ha kine ki khyndiat sngi, kaba kum kane ka jingjia bam tit ba long bih ka la jia ha ka shnong Saphai, West Jaintia Hills kaba la shim ia ka jingim jong ki laingut ki khynnah rit katba kawei pat ka longkmie ka la khlad noh ha ka sngi U Blei kaba bud.

Khlad sa ka longkmie kiew ka jingiap sha ka 4 na ka jingbam ia u tit haka shnong Saphai, West Jaintia Hills