Shimti u Samla Roykupar Synrem kum u president bathymmai ka Seng HYC

Syllad | The Rising MeghalayaOctober 15, 2023

U samla Roykupar Synrem ula shimti kum u president bathymmai jong ka Seng Hynniewtrep Youth Council (HYC) Central Body bad u samla Rhembor G Saiborn kum u General Secretary ha ka jingialang General Executive Council (GEC) kaba la long ha ka 14 tarik mynta u bnai.

Ia kane ka jingialang jied nongkitkam thymmai na ka bynta ka samoi treikam 2023-2026 la pyniaid da u Bah Peter Lawai bad u Bah Nickson Dohling kiba dei ki Nongialam barim ka HYC.

Kiwei pat ki nongkitkam ka HYC-CB ki kynthup ia ar ngut ki Vice President, kata u samla Donboklang Kharlyngdoh bad Francis Gee Mawlong katba ia ka kam Secretary la pynkhamti ha u samla Issac W Basaiawmoit bad u Lumlang Kharsyiemlieh.

Na ka liang u samla John N Lyngdoh ula shah jied kum u Chief Organising Secretary, katba ki Organising Secretary ki kynthup ia u Romingstar Lamare bad u Hercules Suting, u Enlang Sawain kum u Education Secretary. Nalor kata la thung ruh ia ki presdent barim samla Robertjune Kharjahrin kum u Chief Adviser ka seng bad u Bah Peter J Lawai kum u Adviser.

Kiwei kiwei pat ki dkhot ka CEC ki kynthup ia ki Secretary Daniel Syiem, Mandor Swer, Pynskhem Kharjahrin bad Yoohunki Shylla Joint Secretary, Romingstar Lamare, Hercules Suting Organizing secretary, Chestarwell Kharbani, Shembokstar Langrin, Shanborlang Marwein bad Robinson Nongrum Assistant Organizing Syecretary,  Bhabok Sohshang bad Banpynbiang Wriang – Assistant Education Secretary, Joplang Kharnaior Socio-cultural secretary, Purningstar Shabong bad Wellman Kharlyngiong Assistant Socio-cultural Secretary, Mewathi Suchiang Environment Secretary, Wanteibok Lyngdoh bad Arbok Kharjahrin Assistant Environment Secretary, Bashan Lyngdoh Mawnai Publicity Secretary, Tony Shylla bad Wellangstar Warlarpih Assistant Publicity Secretary, Franky Kharumnuid Sports Secretary, Counterbok Thangkhiew bad Arki Lamare Sport Secretary.