Shimti biang ka Kong RM Kurbah kum ka DC ka East Khasi Hills

Syllad | The Rising MeghalayaJune 24, 2024

Ka Sorkar Jylla ha ka 24 tarik Jylliew ka la wanrah biang ia ka Kong Rosetta M Kurbah IAS kum ka Deputy Commissioner ka East Khasi Hills District hadien ba ka la shah pynkynriah na ka district namar ka Model Code of Conduct ha kane ka ilekshon Lok Sabha kaba la dep.

Ia ka Kong Kurbah la pynkynriah ha u bnai Rymphang mynta u snem na ka Ophis DC hashwa ka ilekshon Lok Sabha bad wanrah bujli ha ka jaka jong ka da u SC Sadhu.

Hadien ba la pynkynriah kam la thung ia ka Kong Kurbah kum ka Secretary ka Tnat Community & Rural Development, Fisheries etc.

Katba ia u SC Sadhu IAS mynta la pynkynriah bad thung kum u Secretary ka Tnat Community & Rural Development Department, Fisheries Department, Animal Husbandry & Veterinary Department bad Water Resources Department bad kum u Director ka Tnat Community & Rural Development.

Katba u Abhilash Baranwal, IAS,  Deputy Commissioner (DC) East Jaintia Hills District, Khliehriat u la shah pynkynriah kum u DC ka Ri Bhoi District, Nongpoh..“

Ha kajuh ka por u S Awasthi, IAS Deputy Commissioner, South Garo Hills District, Baghmara u la shah pynkynriah kum u DC ka  East Jaintia Hills District, Khliehriat

Nalor kata u Pilot R Marak, MCS,  Additional Deputy Commissioner ba la rim tam ka  South Garo Hills District, Baghmara un shimti kum u Deputy Commissioner, South Garo Hills District, Baghmara.