Shim suo motu case ka MHRC halor ka jingshah pyniap dusmon ka samla ha EGH

Syllad | The Rising MeghalayaJuly 22, 2025

Ka Meghalaya Human Rights Commission (MHRC) ka la shim da ka suo motu case halor ka jingjia shah pyniap dusmon ba dang shen jong kawei ka samla ha East Garo Hills District.

Kane ka jingjia kaba sngew triem ka la jia ha ki bynta jong ka Dawa Matchakolgre ha Williamnagar hadien ba uwei u runar uba kyrteng u James R Sangma u la pyniap ia kawei ka samla kaba dang 19 snem rta hakhmat u paidbah da kaba mait da ka wait.

Ka Commission ha u kyrwoh lyngba u Secretary L Ch Marak haka 21 tarik Naitung ka la bthah ruh ia u Superintendent of Police, East Garo Hills ba un aiti ia ka kaiphot kaba bniah ha kaba iadei bad kane ka jingjia ha ka tarik shim bishar ka ban wan.