Shim suo-moto case ka MHRC halor ka jingiap ka longkmie armet ha MCH Hospital, Jowai

Syllad | The Rising MeghalayaJune 7, 2025

Ka Meghalaya Human Rights Commission (MHRC) ka la shim da ka suo-moto case halor ka jingiap jong ka longkmie armet hapoh Maternal and Child Health (MCH) Hospital, Jowai, West Jaintia Hills District.

U Secretary ka MHRC haka sngi Thohdieng ula pyntip ba ka Commission ka la ka la phah da ka notice sha u Principal Secretary ka Tnad ka koit ka khiah ka Jylla ban pynlong ia ka jingtohkit halor kane ka jingjia bad ban aiti ia ka kaiphod sha ka Commission ha ka tarik ka ban sa buh.

Ha ka 5 tarik Jylliew u Deputy Commissioner ka West Jaintia Hills u Abhinav Kumar Singh u la thung da ka Inquiry Committee ban khlieh da ka Additional Deputy Commissioner ka Kong B Blah ban pynlong ka jingtohkit halor ka jingkhlad jong katei ka longkmie armet kaba kyrteng ka Kong Pynche Bareh hapoh MCH Hospital, Jowai, bad ban aiti ia ka kaiphod hapoh ka 9 tarik Jylliew.

Lah ban kdew ba kane ka longkmie kaba dei na ka shnong Jalaphet, East Jaintia Hills ka la khlad noh ha ryngkat i khunlung ba dang pun hapoh ka kpoh jong ka ha ka miet jong ka 4 tarik Jylliew ha kaba la kynnoh ba ka dei na ka daw ka jingkhein sting jong ki doktor bad ki nurse jong kane ka hospital.