Shim smai u CP Marak kum u Chairman bathymmai ka Meghalaya Lokayukta

Syllad | The Rising MeghalayaMay 31, 2025

U ophisar IFS ba la shongthait u CP Marak u la shim smai kum u Chairman bathymmai ka Meghalaya Lokayukta haka sngi Thohdieng.

Ia kane ka jingpyntian smai la pyndep da u Lat ka Jylla u CH Vijayashankar ha ka jingiadon lang u Chief Secretary u Bah DP Wahlang, ki heh ophisar sorkar bad kiwei kiwei ha ka jingialang kaba la long hapoh Raj Bhavan, Shillong.

U CH Marak u dei u Principal Chief Conservator of Forests (PCCF) bad la shongthait bad u Head ka Forest Force (HoFF) ka Meghalaya uba la shongthait ha u bnai Jylliew 2019, bad u dei ruh u Executive Chairman jong ka Meghalaya Board of School Education (MBOSE), bad u dei ruh uba trei shitom wat hadien ba u la shongthait.

U la wanrah ryngkat bad u ia ka jingshemphang kaba khraw ha ka kam shakri paidbah, kata hadien ba u la shakri kum ophisar IFS ba la rangbah bha.

Haba ai khublei ia u Marak ha ka jingshimti ka jong u ia kane ka kam, u Lat ka jylla u la pynpaw ka jingsngew skhem halor ka jinglah ka jong u ban bat ia ka hok bad ban pynkhlain ia ka rukom treikam jong ka jinglong khuid, ka jingkitkhlieh bad ka jinglait na ka bamsap hapoh ka jylla.