Shi snem palat 1 klur metric ton pyndonkam mawshun ki karkhana cement: Kular u CEM JHADC ban lum jingkhein thikna

Syllad | The Rising MeghalayaMarch 26, 2025

U Chief Executive Member (CEM) Jaintia Hills Autonomous District Council (JHADC) Ma Thombor Shiwat haka sngi sdang ka dorbar mang tyngka ka konsil haka 26 tarik Lber, ula kular ban shim iaka sienjam ban buh biang iaki nongtrei ka konsil ha ki kyrdop ban rung sha ki karkhana dewbilat ban shim jingkhein iaka jingpyndonkam mawshun ki karkhana dewbilat.

U CEM haba jubab halor ka jingpyndonkam mawshun ki karkhana dewbilat naduh 1tarik Iaiong 2023 haduh 31 tarik Lber 2024 kaba la kylli da u MDC ka Mihmyntdu Nangbah u Gresentus Susngi.

U CEM ula ong ba ka jingpyndonkam mawshun ki karkhana dewbilat kala kynjoh haduh 1,11,36,276 metric ton. Haba jubab iaka jingkylli bynrap da u nongialam ka liang pyrshah Andrew Shullai kumno ka konsil ka lum jingkhein bad ula pynpaw ruh ba kane ka jingkhein ka lah ruh ban tam na ka jingpyndonkam ia u mar namar ba ka konsil kala weng iaki nongtrei ka konsil ban shim jingkhein hashuwa ban rung sha ki karkhana.

U ma Thombor ula ong iaka jingkhein ki karkhana dewbilat kila ai man ka quarter ne 3 bnai, bad bynrap ba ha kaba iadei bad ka jingbuh iaki nongtrei ka konsil ha ki jaka rung sha ki karkhana tang shu dep ka dorbar yn pyntrei biang namar ia kane wat ki karkhana dewbilat ruh ki mynjur ia kane bad tang hadien ka jingkren pynbeit yn sdang mardor ban ioh iaka jingkhein thikna

Shuwa kane CEM ula iathuh ruh ba mynta ki don haduh 7 tylli ki karkhana dewbilat kiba treikam haba jubab iaka jingkylli u Rikut N Parien.