Shi kham ka khyndew bad ka um ai ki Dolloi sha ka RSS ban rah sha Ram Temple ha Ayodhya

Syllad | The Rising MeghalayaJuly 27, 2020

U Dolloi jong ka Jowai bad u Dolloi Nartiang kila ai mar shi kham ka khyndew bad ka um sha ki dkhot jong ka Rashtriya Swayamsevak Sangh (RSS) ban rah sha ka Ram Temple ha Ayodhya ban buh mawnongrim naka bynta ban tei iaka.

Ia kane ka Ram Mandir ha Ayodhya yn buh mawnongrim iaka da u Prime Minister ka ri India u Narendra Modi haka jingiadonlang ki Chief Ministers jong ki jylla bapher bapher bad ki nongialam jong ki riewngeit Hindu.

Ia kane khyndew bad ka um kaba la rah na rilum Jaintia ka dei na Syntu Ksiar bad na Nartiang bad yn buh ha katei ka temple.

Ka RSS kala rah ia kane ka khyndew haka Sngi U Blei, na Jowai la shim iaka khyndew bad ka um da Syntu Ksiar ka bynta jong ka Wah Myntdu kaba la khein kyntang ia kane ka wah bad ka don ka history ba u khlawait ka ri Jaintia u Kiang Nangbah la pynkyntang ia u na Syntu Ksiar ban iakhun pyrshah iaka sorkar Bilat.

Ia kane ka khyndew bad ka um la aiti da Dolloi ka eleka Jowai Puramon Kynjing sha ki nongialam ka RSS. Ha Nartiang la ai iaka khyndew da u Hed Sing Dhar, Dolloi eleka Nartiang.

U Gaurov Tiwari pracharak  jong ka RSS unit ha Jaintia Hills ula iathuh ba iaka um bad ka khyndew yn rah na kylleng ka Ri India kumjuh na Afghanistan, Indonesia bad kiwei kiwei ki jaka ban buh ia u maw nongrim ka temple ha ka 5 tarik u Nailar 2020 haka jaka kaba la thmu ban tei iaka Ram Temple in Ayodhya.