Shi jingim shah rai set phatok u Weslyborn Pala

Syllad | The Rising MeghalayaAugust 28, 2025

Ka iingkashari u N.A. Khan, District & Session Judge, West Jaintia Hills, Jowai, ha ka 25 tarik Nailar ka la rai pynrem da kaba set phatok shi jingim ia u Weslyborn Pala ba ju khot sin u Nana Pala uba dei na ka shnong Barato namar ka jingdonkti ha ka kam pyniap briew.

U Superintendent of Police ka District u pyntip ba kane ka jingjia ka dei kaba la jia ha u snem 2009 hadien ka jingmudui ejahar da ka Kong Eragina Timung kaba dei ka khun jong u lanot ba shah pyniap ha u In-Charge ka Nartiang Police Investigating Centre (PIC) ha ka 07.08.2009.

Ka la iathuh ba ha ka 06.08.2009 ha ka por kumba 8 baje mynmiet utei uba shah kynnoh donkti (Weslyborn Pala) u la pyniap dusmon ia u kpa jong ka u Bransely Suiai da kaba pom da ka wait haduh ba un da iap hashen.

Ia ka case la register hapoh ka Jowai Police Station katkum ka Case No. 111(8)09 U/S 302 IPC bad la tohkit bad chargesheet da u Sub Inspector W. Vaichel.

Hadien ka jingtian bishar ka iingkashari ka la pynskhem ia ka jingdonkti jong u Weslyborn Pala ha kaba pyniap ia u Bransely da kaba pynmih ia ka hukum ban set phatok shi jingim ha ryngkat ka kuna kaba T.5000.