Shi jingim ha phatok shah rai pynrem 2 ngut ba lehbeijot iaka khynnah

Syllad | The Rising MeghalayaJuly 17, 2025

Ka Iingkashari Special Judge (POCSO), M Kumar, West Khasi Hills, Nongstoin, kala rai pynrem da kaba set phatok shi jingim ia ki arngut ki runar ba leh beijot iaka khynnah kaba la jia naduh u snem 2017.

Kine ki ar ngut kiba la shah rai pynrem kidei u Mebanlang Warjri bad u Tony Paul Basaiawmoit.

Ka iingbishar haka hukum kaba la pynmih haka 25 tarik u bnai Jylliew, kala rai pynrem ia kine ki ar ngut hapoh ka kyndon ain POCSO Act bad kala dain kuna iaki mar T.50 hajar.

U Superintendent of Police, Eastern West Khasi Hills, Mairang ha u kyrwoh u pyntip ba ha u bnai Jymmang 2017 kila ioh pdiang ia ka jingujor ejahar pyrshah ia kine ki ar ngut ba ki donkti ban lehbeijot iaka khynnah. La tohkit ia kane ka kam runar ruser da ka WPSI D.P Nongbri.