Shi jingim ha phatok rai pynrem ia u Lovingstar ba leh beijot ia ka khynnah

Syllad | The Rising MeghalayaAugust 26, 2025

Ka iingkashari ka Kong R. Rymbai Special Judge (POCSO), East Khasi Hills kala rai pynrem da kaba set byndi shi jingim ia u Lovingstar Binan halor ka jingdonkti ha kaba leh beijot ia ka khynnah kaba la jia ha u snem 2021.

Ka rai kaba la pynmih da ka iingkashari haka 22 tarik Nailar 2025 ka la rai pynrem da kaba set byndi shi jingim ia u Loviingstar hapoh ka kyndon ain katkum ka Section 6 jong ka POCSO Act bad 377 IPC ryngkat ka kuna kaba T.10,000/- kawei, bad lada um lah ban siew ia ka kuna un hap ban shong phatok sa hynriew bnai.

Une u Lovingstar ula shah rai pynsaja ruh hapoh ka kyndon 506 IPC da kaba set phatok 5 snem ryngkat ka kuna T.5000, bad ban shong phatok sa 3 bnai lada ym siew ia ka kuna.

Kawei pat ka kyndon kaba u shah pynsaja ka dei hapoh ka kyndon 323 IPC ban set phatok hynriew bnai ryngkat ka kuna T.1000 bad ban shong phatok sa 2 bnai lada um siew ia ka kuna.

Ia kane ka case la tohkit da ka WPSI Shidarisha Kharsati kaba don mynta hapoh  Lumdiengjri PS, East Khasi Hills, Shillong.