Shen yn sdang pyntrei noh ia ka Meghalaya House ha Delhi

Syllad | The Rising MeghalayaOctober 26, 2023

U Symbud Myntri Rangbah ka jylla uba khmih ia ka Tnat PWD (Building) u Bah Prestone Tynsong hynne ka sngi Palei ula pyntip ba ka jingpyntrei ia ka Meghalaya House ha Aurangzeb Road, Delhi shen kan sa sdang noh.

U Bah Prestone ula ong ruh ba ka Sorkar kala dep ioh ia ka song pisa ban tei ia ka circuit house lane ka Meghalaya House.

 “Mynta, ngi dang pynkhreh ia baroh ki kot ki sla ba donkam ha kaba iadei bad ka jingkhot tender ban pyntrei ia ka Meghalaya House ba thymmai ha Aurangzeb Road. Ka pisa bala mang ka long haduh kumba T. 30-31 klur” ula ong.