Shen yn sdang ka District Cricket League ka WJHDCA, plie club transfer & affliation

Syllad | The Rising MeghalayaMarch 14, 2025

Ka West Jaintia Hills District Cricket Association (WJHDCA) kala pyntip ba shen kan pynlong iaka lympung ialehkai District Cricket League 2025. Ha ka juh ka por ka synjuk kala plie ruh iaka club transfer bad ka jingpyniasoh thymmai ne affliation.

Kane ka jingialehkai District Cricket League ka dei ka one day match bad yn pyniakhun 35 over.

Kumta na kaliang ka WJHDCA ka khot wer ia baroh ki club ban iashimbynta ha kaneka Cricket League bad ka tarik kaba khatduh ban pdiang iaka bai rung ne ka entry fee, affliation bad ka club transfer kan long shuwa ka 24 tarik u bnai Lber 2025.

Ka bai Entry ka long T4500 shi team. Ka bai rung player ka long T100 uwei bad bym dei ban duna iaka 15 ngut ki player kawei ka kynhun ha ryngkat ki kyndon.

Ka West Jaintia Hills District Cricket Association ka pyntip ruh ba ka pdiang ia kino kino kiba kwah ban pyniasoh ne affiliate, na ka bynta ki club ba thymmai ka long T1000 shi team, katba ka renewal affiliation ka long T500 shi team.

Ka tarik khatduh ban pdiang iaka bai rung ne Entry, registration bad kumjuh ka Affiliation ka long ha lane shwa ka 24 tarik Lber haka por 4.00 PM bad ka jingpyniakap iaki team kan long ha kajuh hi ka sngi haka por 4.30 baje janmiet.

Ha kaba iadei bad ka iew iadie iathied player (Inter team/club transfer) ka long haka dor T 300 uwei u player bad ka tarik khatduh ka long 25 tarik Lber.

Na ka bynta ki jingtip kiba kham bniah lah ban phone ha kine ki number 9863043885, 7005602171, 8729912904, 7005217560.