Shen yn ioh ialehkai ha u phlang plastik ha Amlarem

Syllad | The Rising MeghalayaSeptember 8, 2025

U MLA ka Amlarem Ma Lahkmen Rymbui haka 6 tarik Nailur ula leit ban jurip iaka jingshna bad jingsiang artificial turf iaka madan ialehkai phutbol jong ka Amlarem Sub Divisional Sports Association (ASSA) ha Ladjaplem, Amlarem kaba ka jingpyntrei mynta kala iaid shait shait shakhmat.

Nalor u MLA ha kane ka jingjurip la donlang ruh u MDC Medling Swer, ka SDO Civil Amlarem bad president ASSA kaba long ruh ka SDO (C) Amlarem ka Anendya Raajsshre, ki ophisar napoh ka Meghalaya State Sports Council bad DSO, Jowai kumjuh ki nongialam bad dkhot nongkitkam jong ka ASSA.

U Ma Lahkmen Rymbui u ngeit skhem ba lyngba ka jingsiang Artificial Turf bad shna pynbha iaka madan phutbol jong ka ASSA, kan long ka jingkyrkhu iaki khun samla ka thain namar kane kan plie lad iaki samla ban pyni iala ki sap ba ki don haka kam ialehkai.

Katba u General Secretary ASSA u Ma Dapmon Tariang u khmih lynti ba shen ka ASSA kan sa ioh noh ban pyndonkam ia kane ka madan ha ki katto katne bnai ban wan.