Shah tied pyrthat ar ngut ha West Jaintia Hills

Syllad | The Rising MeghalayaAugust 6, 2021

 

Ar ngut ki briew kila shah tied pyrthat haka shnong Iongnoh, West Jaintia Hills District.

Kane ka jingjia shah pom pyrthat kala jia haka por 12 baje mynsngi kaba por wan ther jur bha u slap bad lyer ha katei ka shnong bad ki shnong ba marjan kynthup iaka Jowai.

Kine ki arngut kiba shah pom pyrthat ki dei kiba la tip kyrteng ka kong Berlin Shylla 43 snem ka rta bad u khunruit jong ka u Ebiangmi Shylla 17 snem ka rta.

Kane ka jingjia shah tied pyrthat kine ki ar ngut kala jia haka por ba ki dang pynkhuid iaka hali jong ki. Haduh bala thoh iaka khubor ym pat pynkhih satia iaka met jong ki.