Shah thang dusmon 2 tylli ki trok dumper ka ARSS ha Tura, WGH

Syllad | The Rising MeghalayaMay 1, 2024

Artylli ki trok dumper jong ka kompeni ARSS ki la shah thang dusmon ha ki runar ki bym lah ban ithuh ha ki bynta jong ka sor Tura, West Garo Hills hynne ka step sngi Balang.

Na ka liang ki pulit ki la ong ba kane ka jingjia shah thombor ka la jia ha ki bynta ka Bokmagre jong kane ka nongbah ka District.

Ha kane ka jingjia kawei na kitei ki trok ka la ingkhong khait katba kawei pat ka la jubor mar shiteng, ong ka khubor.

Nalor kata la ong ruh ba kane ka jingjia ka la wan jia hadien ba ki la don khah khah ki jingjia aksiden kiba ki trok dumper ki don bynta kaba la wanrah ruh ka jingmynsaw ia kiba bun ngut ki briew ha ki bynta jong kane ka jaka sor.

Halor kane ka jingjia shah thombor na ka liang ki pulit ki la rejistar case bad ka jingtohkit ban lapdien ia ki runar kiba donkti ka la iaid shakhmat.