Shah ram ki Volunteers COVID-19 palat 1 klur haka sorkar tang ha WJH

Syllad | The Rising MeghalayaMay 23, 2021

Haduh 104 ngut ki volunteers COVID-19 jong ka Meghalaya Home Guards & Civil Defence ki dang dei ban ioh iaka bai bylla sngi kaba haduh T.13670800 na ka sorkar.

La thung ia kine ki 104 ngut kum ki volunteers haka jingkhangdam ka ri ne ka National Lockdown ban iakhun pyrshah khlam COVID-19 bad la iakut bad kine ki shipai Home Guards yn siew T.550 shi sngi.

Kine ki Home Guards kila ieng pahara sha surok ban khanglad iaki paidbah bad ki kali ki motor ki bym bud iaki kyndon COVID-19.

La thung iaki naduh naduh 27 tarik u bnai Lber 2020 haduh ka 30 tarik Nohprah 2020 bad ki dang ioh bai bylla tang 40 sngi haka dor T. 550 shi sngi.

Kine ki volunteers na ka por sha ka por kila dawa iaka bai bylla sngi jong ki bad kila mih ruh sha surok, hynrei haduh mynta kam don dak ki shin ba ka sorkar kan pyllait ia kane ka bai bylla jong ki.

Ki Home Guards ryngkat ka jingkyrshan jong ka Khasi Students’ Union kila iaid paidbah sha surok ha u bnai Risaw 2020 ban dawa iaka bai nongsngi jong ki, pynban kala kut tang haka jingkular.

Iaid rally ki Home Guard Volunteers for COVID -19 bym ioh bai bylla

Ka tnad Home Guards kala pyndam iaki kum ki volunteers hadien bala plie iaki iew ki hat bad haba kila wad jingtip na ka ophis District Commandant Home Guard halor ka bai bylla jong ki kim ioh satia iaka jubab kaba shai.

Tang 40 sngi ioh bainong ki shipai Home Guard ban long Volunteer COVID, ujor ka KSU sha u District Commandant

Kine ki volunteers COVID-19 kila dawa na ka sorkar ban pynioh iaka hok jong ki bad ban pyllait noh iaka bai bylla sngi.

Lap ka TUR ba jyrsieh ka bamsap naka pisa khlam COVID-19 ban kyrshan iaki nongbylla sngi