Shah rai set phatok u rangbah ba 60 snem ka rta

Syllad | The Rising MeghalayaMarch 27, 2025

Ka iingkashari Special Judge (POCSO), Ri Bhoi District Nongpoh ka la rai pynrem ia uwei u rangbah 60 snem rta da kaba set phatok haduh hynriew snem kynthih namar ka jingdonkti ha kaba leh beijot ia kawei ka khynnah rit.

Ka Kashari ka la rai pynrem ia une u runar uba kyrteng u Md. Nasir Khan, uba shong ba sah ha 9th Mile, Khanapara, Ri-Bhoi District hapoh ki kyndon jong ka POCSO Act da kaba hukum ba u dei ban siew ruh ia ka kuna kaba long T.20,000 /-.

Lada um lah ban siew ia kane ka kuna un hap ban shong tam ha phatok sa na ka bynta shi bnai kynthih.