Shah rai pynrem arngut kiba donkti lehbeijot iaki khynnah

Syllad | The Rising MeghalayaAugust 27, 2025

Ka Iingkashari Special Judge (POCSO), East Jaintia Hills District, Khliehriat ka la rai pynrem ia arngut ki runar kiba donkti ha ki artylli ki jingjia lehbeijot pyrshah ia ki khynnah hapoh ka kyndon Protection of Children from Sexual Offences (POCSO) Act.

U Sawen Tangliang u la shah rai pynrem da kaba set phatok 25 snem ha ryngkat ka kuna kaba T.30,000. Ia kane jingjia la register hapoh Khliehriat Women Police Station C/No. 30(07)2023 U/s 5(l)(m)(n)/6 POCSO Act bad la chargesheet katkum ka CS No. 21/2023 tarik 03.10.2023.

Katba u Ganesh ba ju khot sin u Sangi Rai bad Popo u la shah rai pynrem da kaba set phatok 20 snem ha ryngkat ka kuna T.20,000 halor kawei pat ka jingjia lehbeijot ba la register hapoh Khliehriat Women Police Station katkum ka Case No. 37(08)2023 hapoh ka kyndon 5(m)/6 jong ka POCSO Act. La chargesheet katkum ka CS No. 26/2023 tarik 13 Naiwieng 2023.

Ia baroh kine ki artylli ki case la tohkit a ka WPSI L. Siangshai jong ka Khliehriat Women Police Station.