Shah pyniap ka longkmie, mynsaw jur u rangbah ba shah thombor ha Sahsniang

Syllad | The Rising MeghalayaJune 9, 2024

Kawei ka longkmie ka la khlad hashen katba uwei pat u la mynsaw jur na ka jingshah thombor ha uwei u runar hapoh ka shnong Sahsniang-A kaba hap hapoh Raliang Police Station, West Jaintia Hills District.

Na ka liang u Superintendent of Police ka District u la ong ba kane ka jingjia ka la jia hynne ka sngi U Blei ha ka por kumba 1 baje mynsngi hapoh kawei ka jaka rep ha kaba kawei ka longkmie kaba kyrteng ka Kong Ailem Bamon ka la shah pyniap dusmon da kaba shah siah na u ryndang.

Uwei pat u briew uba kyrteng u Bah Ki Dkhar ruh u la ngat ha ka jingshah thombor bad mynsaw jur na ki bynta jong u ryndang. Ia une u rangbah la pynkit noh marmar shapoh Civil Hospital, Jowai na ka bynta ban aijingsumar, ong ka khubor pulit.

La iathuh ruh ba une u runar uba donkti ha kane ka kam pyntriem u la jah rngai noh hadien jong katei ka jingjia bad na ka liang ki bor pulit ki la rejister case bad ka jingtohkit halor kane ka jingjia ka dang iaid shakhmat.