Shah pyniap bad suba shah lehbeijot ka khynnah skul ha kawei ka shnong kaba hap ha Ladrymbai OP

Syllad | The Rising MeghalayaDecember 17, 2020

Kawei ka khynnah skul kala shah pyniap bad suba shah lehbeijot ha ki runar kiba ym lah satia ban ithuh ha kawei ka shnong kaba hap ha Ladrymbai Out Post, East Jaintia Hills District.

Kane ka jingjia kala jia hadien ba kane ka khynnah kala wan thoh eksamin haka kyrdan klas IX haka sngi Balang.

Kane ka khynnah kaba dei ka khunswet ka sah ha kawei ka shnong kaba don khampajih na ki jaka ba bun ki iing briew bad ka meiduh jong ka.

Ka iing kaba ka sah ka kham pajih na pdeng shnong bad ka hap ban iaid kjat bad la suba jur ba ki runar kiba la don jingthmu sniew kila ap iaka ban ioh leh ia kane ka kam sniew. Hadien kane kila pyniap iaka bad bret iaka met ha lynti bad la lap iaka met jong ka mynta ka step da ki paidbah ba iaid lynti.

La iathuh ba hynnin ka miet hadien ba kane ka khynnah kam shym la poi iing bad kiba haiing bad ki paidbah nongshong shnong kila wad paidbah iaka, hynrei kim lap satia iaka bad la lap pynban da ka metiap jong ka hynne ka step.

Ki Pulit jong ka Ladrymbai OP kaba hap hapoh ka Khliehriat Police Station kila shimti iaka met jong kane ka khynnah ban pyndep iaki jingdonkam jong ka aiñ.