Shah pakhang maw ki surok ha Jowai

Syllad | The Rising MeghalayaJanuary 27, 2019

JOWAI: Ki kali ba ïaid ba ieng ha ka surok bah bad surok shnong kila shah pakhang lynti da ki maw, ki bitor kyiad bad ki tin ñiut.

Kane ka jing pakhang ïaki surok da ki maw kala jia haka surok bah NH 40E ha khmat ka DC ophis Jowai ha Iawmusiang bad haki surok shnong hakhmat ka Meghalaya Studio, Mission Compound (Pohskur) bad ki thain Chutwakhu. 

U nongthoh khubor ba iaid lynti ula sakhi ïa kane haka por 1:47 Am ka step sngi Nyngkong. 

Ki Pulit marsien tip ïa kane kila shimkhia ban leit pynkynriah ïaki maw ba pakhang ha surok bah. La kynnoh ba kiba leh ïa kane ka kam ki dei ki runnar ba kwah ban pynthud ïaka iaid ka ieng u paidbah bad haduh ba la thoh ïaka khubor ym lah ban pynthikna ïaki daw bad mano ba donkti ban pakhang ïaki surok.