Shah ktah ki tyllong um na u dewiong ba lumthup, kyntu ka KSU iaka SDO (C) Amlarem ban tuklar

Syllad | The Rising MeghalayaMay 23, 2025

Ka Khasi Students’ Union (KSU) War Jaintia Circle kala kyntu iaka SDO Civil Amlarem Sub Division ban tuklar halor ka jingjaboh ki tyllong umbam umdih na ka jingtuid ka um dewiong ba lumthup ha ki bynta jong ka surok Dawki Amlarem.

U Assistant General Secretary Mechanki Syngkon bad Organising Secretary Block Tariang kila ai da ka dorkhas sha ka SDO Civil Amlarem bad kila pynpaw ba kane ka jingtuid ka um dewiong sha ki tyllong um ka buh haka jingma iaka koit ka khiah ki briew bad iaki jingthung jingtep.

Kumta la kyrpad ia ka SDO (C) Amlarem ba kan shimkhia ban tuklar bad ban bthah ia ki trai jaka bad ki trai dewiong ban weng noh ia kine ki dewiong bad ban buh ha ki jaka ba biang, khnang ba kin ktah iaka koit ka khiah, jingthung tep bad ki um ki wah ka thain Amlarem.