Shah kem u snar khaii drok, ioh kurup haduh 1 lak tylli ki dawai kuli

Syllad | The Rising MeghalayaJune 16, 2024

Ki pulit ka Tnat ANTF ka East Khasi Hills ha ka 14 tarik Jylliew ki la ioh ban kem noh ia uwei u snar nongkhaii drok bad ioh ban kurup haduh 1 lak tylli ki dawai kuli drok Yaba tablet kiba don ka jingkhia kaba haduh 10.122 kilo na jan ka shnong Mawryngkneng ha East Khasi Hills District.

Une u briew uba la shah kem noh u dei uba la tip kyrteng kum u Lallianzama 36 snem rta uba shong ba sah ha Law u Sib, Madanrting.

Na ka liang u Superintendent of Police ka East Khasi Hills, u Bah Sylvester Nongtnger ula ong hadien ba la ioh ia ka jingtip kaba thikna ka tnat ANTF ha ryngkat ki pulit ka Mawryngkneng Police Station ki la pynlong ka jingpynap shrip bad talasi ia kawei ka kali Maruti Brezza kaba don ia u R/No ML 05 P 3646 hadien ba ki la kem noh ia une u briew uba donkti.

Hadien ki pulit register case pyrshah ia une u briew hapoh Mawryngkneng Police Station hapoh ki kyndon 22(C)29 NDPS Act .