Shah kem u runar ba pyniap iala ka samla da kaba siah ryndang ha Mairang

Syllad | The Rising MeghalayaJuly 1, 2025

Kawei ka jingjia kaba sngew shyrkhei bad kaba la pynher syrngiew ia ki nongleit nongwan bad ia ki nongshong shnong ka la jia hapoh Pyndengumiong Parking Lot, Mairang ha kaba uwei u runar ula siah ryndang ia la ka jong kaba ieid haka por ba iadonlang u kpa jong ka haduh ba kan da iap.

Katkum ki khubor la iathuh ba kane ka jingjia ka la jia haka 30 tarik Jylliew ha ka por kumba 5 baje janmiet ha kaba une u runar uba la tip kyrteng kum u Roberto Marngar 25 snem rta uba na ka shnong Shyiap Mawnai, u la poi sha ka jingiania kaba jur bad kaba ieid jong u, ka Phyrnailin Kharsyntiew 27 snem rta kaba dei na ka shnong Mawkhap kaba la pynlong ia u ba un leh ia kane ka kam pyntriem ha ka por mynsngi mynshai bad khamtam ruh ba ia donlang u kpa jong ka.

Hadien kane ka jingjia la pynkit noh mar mar ia kane ka samla shapoh Civil Hospital, Mairang ha kaba ka la khlad noh hapdeng ka jingshah sumar. Katba ia une u briew uba donkti ki riew paidbah kila ioh bat ia u bad la aiti sha ki pulit ka Mairang.

Katkum ka jingiathuh da u kpa jong kane ka samla la ong ba ka khun jong u, ka la poi sha ka jingiania kaba jur bha bad une u samla jong ka hadien ba ka khun jong u ka la pan iakhlad noh na u. Hynrei, la ong ba une u samla u la byrngem ban pynjah burom ia ka.

U kpa jong kane ka samla u la iathuh ruh da kaba ong, “Nga la iaid shakhmat katba ka khun jong u bad une u samla ki la iaid nadien nadien, hynrei kynsan nga la iohsngew ba ka khun jong nga ka la kyllon ha madan, bad hadien la shem pynban ba ka la shah siah da ka tari na u ryndang.