Shah kem u nongkhaii drok na Umtyra EJH, kurup shibun u drok heroin

Syllad | The Rising MeghalayaJuly 3, 2025

Ki bor pulit ka East Jaintia Hills haka sngi Balang ki la ioh ban kem noh ia uwei u nongkhaii drok na Umtyra, East Jaintia Hills bad ioh ban kurup shibun bah u drok Heroin.

Na ka liang u heh pulit u pyntip ba ka kynhun pulit ka la pynlong ia ka jingtalasi kali ha Umtyra, EJH bad ki la ioh ban bat noh ia kawei ka kali kaba don ia u nombor ML-04B 9703, ba la niah da uwei u briew uba kyrteng u Kabir Uddin Mazumder ha ka por 11 baje mynstep.

Hadien ba la pynlong ia ka jingtalasi ia ka kali ki la ioh ban kurup noh ia 14 tylli ki song sabon ba la thep ia u drok heroin uba don ka jingkhia haduh 160.36 gram.

Ha kaba iadei bad kane ka jingioh kurup la kem noh ia une u briew hapoh ki kyndon ka Narcotic Drugs and Psychotropic Substances (NDPS) Act bad ka jingtohkit mynta ka la iaid shakhmat khnang ban ioh kem ia kiwei pat kiba donkti.