Shah kem sa 6 ngut ki nong Nigeria ha ki Pulit East Jaiñtia
KHLIEHRIAT: Sa 6 ngut ki nong Nigeria kiba rung beaiñ sha ka Ri India kila shah kem haki Pulit jong ka East Jaiñtia Hills District haka shnong Ratacherra.
Ïa kine ki nong Nigeria la kem haka por step katba ki Pulit ki dang khynra kali ha ka shnong Ratacherra. Kine ki nong Nigeria kila shong ha kawei ka bos Night Super kaba kamai Silchar-Guwahati.
Kumban shu pynkynmaw ba ki pulit ka East Jaiñtia Hills kila ïohkem shuwa lai ngut haka 13 tarik uwei u dei na ka ri Ivory Coast bad ar ngut ki nong Nigeria.
La iathuh ba kine ki nong Nigeria bad utei u nong Ivory Coast kila wan sha ri Bangladesh da ka liengsuin, hynrei ki rung beaiñ pat shapoh kane ka ri. Kine ki briew na shilliang duriaw kila rung sha kane ka ri da ka jingiarap jong ki nong Bangladesh bad ki nong India kiba shong ba sah ha khappud la ong ka khubor.
Halor kane ka jingiohkem ïa kine ki bar ri, u Superintendent of Police, East Jaiñtia Hills District ula kyntu ïa ki paidbah kiba don jingtip halor ki briew kiba donkti ban ïarap pynkam shilliang pud ïa kine ki briew na Bangladesh shapoh Ri India ban ai jingtip sha u. Kino kino kiba ai jingtip yn burieh ïaka kyrteng.
Kino kino kiba don jingtip phone ha une u nomber jong u SP, East Jaintia Hills 9485178835 lane shu phah da ka email: [email protected].
Halor kane ka jingïohkem ki pulit kila register iaka case ha Lumshnong PS bad la pyngngat ïaki haka kyndon aiñ Foreigner’s Act bad ka jingtohkit kala iaid shakhmat.
Facebook
Instagram
Youtube
Twitter
Leave a Reply