Shah kem sa 2 ngut ryngkat u drok bad pisa T.1 lak 90 hajar ha Jowai

Syllad | The Rising MeghalayaJune 30, 2023

Ar ngut ki nongkhaii drok kila shah kem ryngkat u drok heroin ba khia 4.61 gram bad ka pisa T.1 lak 90 hajar ha ki Pulit ka Jowai hynne ka step.

Kine ki ar ngut kiba shah kem ki dei u Jimmy Sutnga bad u Sdangki Myrphet.

U Superintendent of Police, West Jaintia Hills C Syrti ula ong ba kila iohkem shuwa ia Jimmy bad kila nang ioh ksai shuh shuh bad ioh kem sa ia u Sdangki Myrphet uwei na ki snar nongkhaii drok ha sor Jowai.

Ha ka jingkhynra iaka met jong u la ioh kurup 4.61 gram u heroin bad ia kane la pynthikna hadien bala test.

Shah kem 2 ngut bad u drok ha Jowai

Nalor u drok la kurup iaka pisa T.190500, kawei ka Alto 800 khlem number. Kiwei pat ki tiar kiba la kurup ki dei ki synduk sabon, tin golden, synduk let bad kiwei kiwei ki tiar.

Ki pulit kila register iaka case pyrshah ia kine ki ar ngut bad ka jingtohkit kala iaid shakhmat. Tang ha kane ka taiew ki pulit kila kem 4 ngut bad u drok 6.02 gram.