Shah kem noh ka nongkhaii drok na Them Metor hadien ba saphriang ka video lyngba ki social media

Syllad | The Rising MeghalayaNovember 9, 2023

Ki pulit na ka tnat ANTF haka sngi Balang ki la ioh ban kem noh ia kawei ka longkmie 26 snem rta na ki bynta jong ka Them Metor, Iew Mawlong bad ioh ban kurup noh ia u drok heroin uba don 99.21gram kynthup ia 51 tylli ki synduk let kiba thylli, 13 tylli ki synduk sabon, kawei ka mobile phone bad ka Aadhaar card.

“Kane ka nongkhaii drok ka dei ka juh ka briew kaba la mih paw ha ka video hapoh ka surok GS Road hajan Bimola kaba la saphriang lyngba ki social media bad wanrah ka jingsngewkhia halor ka jingdie drok laitluid ha ka por mynsngi mynshai,” ong u heh pulit uba la pynpaw ruh ba ka jingthwet ia kiwei pat ki nongkhaii drok ha kane ka jaka ka dang iaid shakhmat.

Na ka liang ki pulit ki la rejistar case pyrshah ia kane ka briew hapoh Shillong Sadar police station hapoh ki kyndon jong ka NDPS Act, bad ka jingtohkit mynta ka dang iaid shakhmat.