Shah kem 6 ngut ki nongkhaii drok na Mawlai, ioh kurup shibun bah u drok

Syllad | The Rising MeghalayaJuly 4, 2024

Ki Pulit ka Anti Narcotics Task Force (ANTF) ka East Khasi Hills District ha ka 4 tarik Naitung kila ioh ban kem noh ia hynriew ngut ki nongkhaii droks na ka thain Mawlai Mawiong bad ioh ban kurup noh ia shibun bah u drok heroin lem bad ka pisa.

U Superintendent of Police ka East Khasi Hills, u Bah Sylvester Nongtnger u pyntip ba kine ki hynriew ngut ki nongkhaii drok kiba la shah kem noh ki dei kiba la tip kyrteng kum u Sanborlang Khongwir (32)  na Mawlai Mawiong, Bringson Kharumlong (35) na Mawlai Mawtawar, Kitborlang Nongsiej (29) na Mawlai Umrynjah, Return Dkhar (40)  na Mawlai Nongmali-III, Wanlambok Lyngdoh (25) ba na Mawpat bad u Richard Marbaniang (24 snem rta) uba na New Nongstoin.

Na kine ki hynriew ngut ki pulit ANTF ki la ioh ban kurup ia santylli ki song ba la thep ia u drok heroin uba don ka jingkhia kaba haduh 64.1-gram nalor hynniew tylli ki mobile phone bad ka pisa kaba haduh T.1,29,000/- (Shi lak arphewkhyndai hajar).

Kumjuh ruh ki pulit ki la ioh ban kurup noh ia kawei ka kali Maruti Car 800 kaba don ia u R/No. ML 05 E 8363, bad kawei ka thuk thuk Yamaha R15 kaba don ia u R/No ML 05 AC 9261.