Shah kem 4 ngut kynthup iaka kynthei, kurup ki pulit ia u drok ba shongdor T.6 klur

Syllad | The Rising MeghalayaSeptember 2, 2023

Ki bor pulit na ka tnat anti-narcotic task force (ANTF) ka East Khasi Hills District ha ka miet sngi Thohdieng ba la lah ki la ioh ban kem noh ia sawngut ki nongkhaii drok kaba kynthup ia kawei ka kynthei na Demthring, Shillong bad ioh ruh ban kurup ia u drok heroin uba shongdor haduh T 6 klur.

Na ka liang u Superintendent of Police ka EKHD, Shillong u Bah Sylvester Nongtnger u la pynpaw ia kane ka jingioh kurup mynta ka sngi Saitjain.

U la ong ruh ba na kine ki briew la ioh ban kurup haduh 55 synduk u drok heroin uba don ka jingkhia  638.5 gm, 2 tylli ki mobile phones nalor ka kali Maruti Suzuki Eeco kaba ki pyndonkam kaba don ia  R/No. AS 14 AC 0984, kawei ka  EPIC Card bad kawei ka  Aadhar Card.

Ha kaba iadei bad kane la rejistar case pyrshah ia kine ki briew kiba donkti ha ki kyndon kiba iadei bad ki kam khaii drok.