Shah kem 2 ngut na NGH namar ki jingkynthoh pyrshah Ri bad kyrshan Pakistan

Syllad | The Rising MeghalayaMay 18, 2025

Ki bor pulit ki la ioh ban kem noh ia arngut ki briew na North Garo Hills District haka 17 tarik Jymmang halor ka jingkynnoh donkti ha kaba kynthoh pyrshah ia ka India bad pynpaw jingkyrshan ia ka Pakistan.

Kine ki arngut kiba la shah kem noh ki dei kiba la tip kyrteng kum u Silgring D Sangma na ka shnong Chorebolbok bad u Asbath B Marak na ka shnong Chambildam village, ong ki pulit.

La kem noh ia kine ki arngut hadien ka jingmudui ejahar da ki bor pyniaid District ka North Garo Hills ha ka 15 tarik Jymmang, kata hadien ba kawei ka video lyngba ka facebook jong u Silgring D Sangma ka la saphriang ha ki rynsan social media kum ka facebook bad whatsapp ha kaba la iohi ia ki arngut ki briew kiba la pyrta bad pynphriang ia ka khubor ha ka ktien Garo kiba dap da ka jingshun niam bad ki jingpyrta pyrshah ia ka India bad kyrshan ban leh ia ki kam thombor pyrshah ia ka India da ka Pakistan.

“Ki bynta kiba don ha katei ka video ki long pyrshah ia ka synshar khadar bad ka jinglong ba janai jong ka ri khamtam haba phai sha ka jinglong jingman kumba ka long mynta,” ong ka khubor pulit

Ka jingtohkit halor kane kane ka la iaid shakhmat, ong ki Pulit.