Shah kem 2, kurup drok heroin 21 gram na Ri Bhoi

Syllad | The Rising MeghalayaFebruary 9, 2024

Ki bor pulit haka 8 tarik Rymphang, ki la ioh ban kurup noh ia u drok heroin uba don ka jingkhia kaba 21.05 gram bad kem noh ia arngut ki briew kiba donkti na Nongpoh, Ri Bhoi District.

Kane ka la wan long hadien ba ki pulit ki la ioh ia ka jingtip kaba thikna halor ka jingdon jong ki arngut ki nongkhaii drok ia kiba la tip kyrteng kum u Sumit Naha 21 bad u Rahul Ghosh 25 snem rta kiba dei napoh Dibrugarh Assam kiba la wan da ka kali night super bus kaba don ia u registration number plate ML05 T 8121.

Ha ka jingkhynra ki pulit ki la ioh ban kurup noh ia artylli ki synduk sabon kiba don ia u drok heroin kynthup ia phra tylli ki bilor rit bad uwei u thyrnia injek.

Hadien ki pulit ki la rejistar case hapoh Nongpoh PS bad ka jingtohkit ka dang iaid shakhmat ban lapdien shuh shuh ia ki briew kiba donkti ha kane ka kam bymman.Na kine ki arngut ki pulit ki la ioh ruh ban kurup ia ki artylli ki mobile phone.