Shah jied u Torak Kharpran kum u Coach ka Ri India sha ka rynsan IBA Elite Men World Boxing Championships

Syllad | The Rising MeghalayaApril 20, 2023

U bah Torak Kharpran, ba dei artad uwei na ki Boxing Coach, Sports Authority of India, ula shah jied ban long kum uwei na ki coach ka kynhun bad manager ki rang ia kura ka ri, kiban leit ban iashim bynta ha kawei ka rynsan ia kura, ba la tip ia ka kum ka IBA Elite Men World Boxing Championships 2023.

Kane ka rynsan ia kura kan long ka nongbah Tashkent, Uzbekistan naduh ka 29 tarik mynta u bnai  Iaiong bad kut ha ka 15 tarik u Jymmang.

Kumba ka long ia mynta, u Torak u la don bynta bad kane ka kynhun ki rang ia kura ka ri, kiba don hapdeng ka jingpynkhreh ban leit ban aireng sha katei ka rynsan ia khun, ka prokram ia kilan ia ki rang ia kura la sdang ia ka naduh ka 14 tarik bad kut ha ka 23 tarik mynta u bnai.

Ha kane ka kynti kaba mynta, ka India ka don ia ka jingthmu ba kan sei madan bun ngut bha ki rang ia kura katta kumba 13 ngut eiei.

Hynrei ban ioh ia ki 13 ngut ki rang bad snar ia kura kiba kynsai, u Torak lem bad kiwei pat ki coach ka India, mynta ki la lum lang ym duna ia 30 ngut ki rang ia kura ba kynsai ka ri, ban iadon bynta haka prokram ai jinghikai, kaba la iaid shakhmat ha ha nongbah Tashkent, Uzbekitsan.