Shah jied sa uwei u pleiar ka Shillong Lajong FC haka kynhun ïalehkai football ka Ri

Syllad | The Rising MeghalayaFebruary 14, 2019

SHILLONG: Hadien ka jingshah jied u Samuel Lyngdoh Kynshi, ka Shillong Lajong FC kala pynbna biang ba ka Indian National Team kala jied sa ïa u Samuel Lalmuanpuia ha ka kynhun ïalehkai football ka ri na ka bynta AFC U-23 Championship 2020 qualifier.

Kine ki arngut ki nongïalehkai ka Shillong Lajong FC kin iadonbynta lang bad ka kynhun ka ri haka jingpynkhreh naka bynta ban kilan lang bad ka kynhun baroh kawei haka 2-phase ‘Indian National Team Preparatory Camp’ kaban long ha Goa naduh 2 tarik haduh 8 tarik bad 16 tarik haduh 19 tarik u bnai Lber bad ban ïashimbynta haka jingialehkai paralok pyrshah ïaka Qatar U-23.

U Samuel Lalmuanpuia u la ialeh nyngkong eh ha ka I- League na ka Shillong Lajong ha ka aiom 2015-16 bad u la ioh ban thep haduh 9 kol. Katba u Samuel Lyngdoh Kynshi ba dang 18 snem ka rta u la ialeh nyngkong eh ha ka I- league ha ka aiom 2017-18 ha kaba u la ioh ban thep haduh 5 kol.

Ka team India kan ialeh ia kane ka qualifier ha ka Group F kiba kynthup ia ka Pakistan, Tajikistan bad Uzbekistan bad kan sdang naduh ka 22- 26 Lber ha Uzbekistan.