Shah jied ka samla Rifiness Warjri ban leit kiew ia u lum Everest

Syllad | The Rising MeghalayaOctober 8, 2024

Ka samla Rifiness Warjri na ka 61 Meghalaya Girls Bn NCC ka la shah jied ban leit iashim bynta na ka NCC Mount Everest Expedition 2025, lane ka jingleit iashim bynta ha kaba kiew ia u lum Everest.

Ka Rifiness Warjri kaba dei ka Cadet jong ka St Anthony’s College dang shen ka la lah ban pyndep ha kaba iadei bad ka jingkiew ia u lum Mount Abi Gamin bad ka dei tang ma ka, ka Cadet ka ban shah jied na baroh ki hynniew tylli ki Jylla jong ka thain Shatei Lammihngi ban leit iashim bynta sha katei ka jingleit kiew ia u lum ba kynjang tam ha ka pyrthei.

Kane ka jingjop jong kane ka samla kan long ka nuksa bad ka jingai mynsiem na ka bynta ka thain Shatei Lammihngi jong ka ri bad kaba pynpaw ruh ia ka jingiai shah bad ia ka sap jong ki samla na kane ka thain Shatei Lammihngi.

Kane ka khana shaphang jong ka, ka long ruh ka jingpynshisha ia ka mynsiem ba shlur bad ka jingaiti lut kaba ka NCC Shillong ka la bsut ha ki Cadet jong ka.