Shah jied ka Riiohlang Dhar haka FIFA ban pyniaid iaka AFC Women’s Asian Cup India 2022 Qualifier

Syllad | The Rising MeghalayaAugust 31, 2021

Ka Riiohlang Dhar, FIFA Assistant Referee kala shah jied haka FIFA kum ka Match Officials ne referee sha ka lympung Asian Football Confederation (AFC) Women’s Asian Cup India 2022 – Qualifiers ka ban long ha ri Lebanon naduh 17 tarik haduh 23 tarik Nailur (September) 2021.

U Bah John F Kharshiing, Working President, MSOA, ula ong “kane ka dei ka jingsarong ia ngi ba ka Riiohlang kala shah jied ban long kum ka nongpyniaid iaka jingialehkai ha katei ka lympung AFC. Ka Riiohlang kadei kawei na ki arngut ki kynthei haka ri kaba shah jied haka FIFA.”

Kum ban shu iathuh ka Riiohlang kadei kaba trei kum ka constable ha Meghalaya Police.

U Bah John ula ai khublei bad kitbokm kitrwiang iaka Riiohlang halor ka jingjop jong ka haka jingim kum ka nongpyniaid iaka jingialehkai football haka ri bad shabar ri.

U Bah John ula ong “Ngi sngewdei ban kyrpad ia kiba kylluid mynsiem ban wan shakhmat ban kyrshang lang ia ka leit ka wan khamtam kaba bun jinglut namar kumba long mynta ka long kaba eh ba in kyrshan marwei ia ka bai leit bai wan ban leit sha katei ka lympung ia lehkai. Ngi iai kyntu ia ka sorkar Meghalaya ki kynhun ialehkai ki paidbah ba ieid ia ka sports ban ia pyrkhat lang ha ka ban kyrshan lada lah ia ka jingthmu jong i Kong Riiohlang…namar ka dei ka burom shisha ban shah jied tang ar ngut iwei na Meghalaya bad iwei na Manipur na baroh kawei ka India.”