Shah jied ka Airikmenlang Shabong ban mihkhmat iaka ri sha ka World Arm Wrestling

Syllad | The Rising MeghalayaAugust 6, 2024

Ka long ka burom kaba khraw ia ka jylla hadien ba Cdt Airikmenlang Shabong, kaba la wan ban iashim bynta sha ka rynsan iakhun jong ka National Arm Wrestling, ba la long ha Nagpur, Maharashtra ka la ioh ba kan khur artylli ki takma ksiar ha ka kyrdan iakhun jong ka right youth bad senior category.

Nalor katta ka la ioh ruh ba kan khur sa ia ka takma rupa ha ka kyrdan iakhun jong ka left hand youth bad sa ka takma rnong ha ka kyrdan iakhun jong ka left hand senior category

Da kine ki nam jop ka pynloong ia ka Airikmenlang ba kan shah jied naka bynta ban mihkhmat ia ka ri sha ka rynsan iakhun jong ka World Arm Wrestling bad ka Para Arm Wrestling Championship 2024, ha ka kyrdan iakhun jong ka under 50 Kg Youth and Senior Category kaban sa long ha  Moldova naduh ka 15 haduh ka 25 tarik mynta u bnai Nailar.