Shah jied biang u Conrad K Sangma kum u national president NPP ha ka sien kaba saw

Syllad | The Rising MeghalayaMarch 16, 2025

U Myntri Rangbah ka Jylla u Conrad K Sangma ha ka 15 tarik Lber u la shah jied biang kum u National President jong ka Seng National Peoples’ Party (NPP) ha ka sien kaba saw ha ka jingialang kaba la long hapoh Constitutional Club of India, New Delhi.

U Conrad u la shah jied biang kum u nongialam khlem kano kano ka jingialeh pyrshah na ka na ka bynta ka samoi treikam 2025-28.

U Myntri sorkar barim bad Working President ka Arunachal Pradesh, u Paknga Bage u la shah jied khlem kano kano ka jingialeh pyrshah kum u General Secretary (Organisation), katba ka Dr Mehtab Agitok Sangma ka la shah jied khlem ka jingialeh pyrshah kum ka National Treasurer.

U President ka NPP Meghalaya u Bah Prestone Tynsong bad u President ka NPP Manipur u Joy Kumar Singh ki la aijingmut ban thung ia u James K Sangma uba dei u General Secretary (Organisation) barim kum u National Working President jong ka party.

Na ka liang u Conrad Sangma ula pynbna ba ia ki dkhot jong ka National Committee 2025-28 yn sa pynbna shen.