Shah ban ka kali Maruti Eeco haka trok hajan Thadlaskein, lait salit ar tylli ki kali mynsaw jur ki shi kmie shi khun bad u driver

Syllad | The Rising MeghalayaAugust 21, 2025

Ha kawei ka jingjia asksident kaba la jia haka step 21 tarik Nailar hajan Thadlaskein, Mukhla, West Jaintia Hillls kawei ka kali kala shah ban haka trok bad julor phom, katba ar tylli kiwei pat kila lait salit.

Ka khubor ka iathuh ba ha kane ka jingjia haka por kumba 11 shiteng mynstep hajan ka pung Thadlaskein. Kane ka trok kaba kit clinker ka dei kaba don ia registration number UP 76 T 1960 kaba wan na ka thain East Jaintia Hills bad haba la poi ha katei ka jaka kala kylla bad kala ban iaka kali Maruti Eeco kaba don ia u number ML 04 E 0731 kaba iaid mar pyrshah.

Ar ngut ki shikmie shikhun kiba iaid ha surok kila shah syllad ha kane ka trok bad mar mar la pynkit sha ka jaka sumar naka daw ka jingmynsaw jur. Nalor kata u driver ka Maruti Ecco u dang sah kut hapoh ka kali.

Nalor kane ka Maruti Eeco kaba shah ban, kawei ka kali kamai tourist kaba dei ka Maruti Alto kaba don ia u number ML 04C 5529 kala shah ban na ka bynta ba shakhmat ka kali, katba ka kali private kaba don ia u number ML 04 D 3446 kala julor malu mala.

Kane ka jingjia kala wanrah ka jingsahkut kali kaba jur bad ki kali khwai ka dang pyrshang ban pynkhie iaka trok.