Shad Suk Mynsiem Seng Khasi Mawlai

Syllad | The Rising MeghalayaMarch 30, 2022

Ka Seng Khasi Mawlai, ka pyntip ba kan pynlong ïa ka Shad Suk Mynsiem 2022 jong ka Seng ha ka 2 tarik ïaiong sngi Pamtiah bad ka 3 tarik ïaiong sngi Umni, ha Lympung shad jong ka Seng kaba don ha Mawlai, Mawroh (Ha ka lynti ban leit sha Mawkynroh-Umshing).

Kane ka shad ka kmen ka long ka ka jingkynmaw bad ka jingainguh u khun Khasi Khara shisien shi snem ïa U Blei Trai Kynrad Nongthaw Nongbuh na jrong na tbian ban neh la ka hok la ka riti.

Kumta ka Seng ka kyrpad bad khmih lynti ïa ki para khun ka ri ban ïa poi lang sha kane ka shad ka kmen bad ban ïa mih lympung bad ki nongshad shynrang bad kynthei ha la ka riam ka beit kaba pura ban phuh ban phieng ka Shad ka kmen bad ka kam bad ban sah pyrto don burom la ka ri.

Kane ka long kat kum ka kyrwoh na u Rgh Phira Sing Warnongbri General Secretary, Seng Khasi Mawlai.