Sha Uttar Pradesh leit poi ka samla kaba jah rngai na Nongmensong

Syllad | The Rising MeghalayaJuly 5, 2025

Ka samla Janice Angel Mary Sawian 31 snem rta kaba la jah rngai na Nongmensong, Shillong naduh ka janmiet jong ka 1 tarik Naitung la lap na jylla Uttar Pradesh.

Na ka liang kiba haiing hasem jong kane ka samla hadien ba kam shym la wanphai shuh sha la iing ki la leit ban pyntip noh sha ki bor pulit ka Nongmensong Police Station.

Hynrei kiba haiing hasem ki la pyntip lyngba ki rynsan social media ba ia kane ka samla la lap haka step sngi Thohdieng na kawei ka lynti rel ha Uttar Pradesh bad ia kaba la shimti noh da ki bor pulit kane ka jylla.

Katkum ki khubor la ioh jingtip ruh ba na ka liang kiba haiing hasem ha ryngkat ki bor pulit ka jylla kila leit sha UP na ka bynta ban shimti noh ia kane ka samla.