Sdang pynpra iaki karkhana saiñ rnga dewiong ha East Jaintia Hills

Syllad | The Rising MeghalayaJuly 12, 2023

Ka jingpynpra iaki athoskhna ki karkhana saiñ rnga dewiong ne Coke Factory beaiñ kala iaid shakhmat ha East Jaintia Hills District haka sngi Balang.

Haduh bala thoh iaka khubor ki don haduh ar tylli ki karkhana Coke Factory beain kiba la shah pynpra da kaba shah pynbthei bomb.

Kine kiba shah pynpra ki dei ka Halari Coke Factory ha Pohrasong, Shauryansi Coke Factory ha Wah Samsier kiba don hapoh Elaka Sutnga.

Ha East Jaintia Hills ki don kumba 32 tylli coke factory.

Ka sorkar Jylla kala buh thong ban pynpra ia baroh ki karkhana coke beaiñ hapoh ka 20 tarik Naitung.

Ka sorkar kala rai ban pynpra ia kine ki karkhana coke kum shibynta ban pyntreikam iaka hukum jong ka Meghalaya High Court kaba ong ba ka jingdon jong kine ki karkhana ka pynshlur iaka jingtih dewiong beaiñ.

Shuh shuh ha West Khasi Hills ruh kane ka jingpynpra iaki coke factor kala iaid shakhmat bad haduh mynta ka jingpynbthei iaki athoskhna kine ki karkhana la dep haduh 4 tylli naki 57 tylli.