Sdang khih ka jingdawa bhah kyrpang, dawa da ka ‘Open for all competition’ ia u Khasi Jaintia bad Garo

Syllad | The Rising MeghalayaFebruary 23, 2022

Ki sengbhalang kba kynthup iaka JSU, EJNC, JYF, JSM bad katto katne ki riew rangbah ryngkat ki muktiar napoh Rilum Jaiñtia haka sngi ba Ar da kawei ka sur kila rai ban thaw noh daka Jaiñtia Coordination Committee for Reservation Policy (JCCRP) ban iakhun na ka bynta ban dawa pynkylla thymmai State Reservation Policy ne ka bhah kyrpang haka thung kam thung jam iaki Khasi, Jaintia bad Garo.

Kane ka jingialang kala long ha ophis ka Jaintia Students’ Union ha Jowai da kawei ka jingmut kila jied iaki nongkitkam ha kaba u chairman u Jersom Shylla, u Vice Chairman u Treborlang Suchen, u Secretary u Sambormi Lyngdoh bad u Joint Secretary  Roitre Dkhar & OL Tariang.

Ka JCCRP kala rai ban phah noh daka memorandum sha u Myntri Rangbah ka Jylla, Conrad K Sangma, ban ai jingmut lane ban dawa noh naka Sorkar  Jylla badei ban pynkylla noh iaka Reservation Policy jong ka Jylla shaka 90 percent ia baroh u Khasi, Jaintia bad Garo ha kino kino ki kam ne Open for all competition bad 10 percent ia kiwei pat ki Riewlum naka 40 percent iaki Khasi, Jaintia 40% ia u Garo & 20% ia kiwei pat.

Ka JCCRP ba kane ka bhah kyrpang kaba mynta ka noh Shilliang palat ia ki Khasi, Jaintia, haka ba u Khasi bad u Jaintia ki hap ban ia knieh iaka bhah kaba tang 40% katba u Garo pat u ioh ka bhah haduh 40% katba 20% ia kiwei pat.

“Lada ngi peit bha ia kane ka Policy ka bala shna 50 snem mynshwa ka dang don shibun ki jing duna bad ka por kala biang bha iaka Sorkar jylla ban pynkylla noh iaka Reservation Policy jong ka jylla Meghalaya, naka bynta ka jing myntoi jong ki Samla Pule ka Jylla,” la ong ka JCCRP.