Sdang ka Under-16 Football Tournament ka EJHDFA

Syllad | The Rising MeghalayaAugust 28, 2023

Ka lympung ialehkai Under-16 Boys Football Tournament kaba pyniaid da ka Youth Development Cell jong ka East Jaintia Hills District Football Association (EJHDFA) kala sdang haka sngi Nyngkong da ka namjop ka Dkhiah West, Diengshynrum bad ka Rymbai Wahshnong.

Haba phai sha ka jingiakhun kaba nyngkong kaba long ha madan artificial turf, ka Dkhiah West ka la pynliem da 4-0 iaka Khliehriat East. Iaki kol jong ka Dkhiah West la thep da u Duni Dkhar, Arki Phawa ar kol marwei bad u Shameki Dkhar.

Ka Diengshynrum kala pynliem da 5-0 iaka ACCFC. U namtam ha kane ka jingialehkai u dei u Timing Lyngdoh ha kaba marwei ula thep lai kol 20′, 30′, 47′ kaba dei artad ka hattrick kaba nyngkong, u Victor Rymbai 55′ bad Bretly Lyngdoh 67′ kiba la thep mar shikol.

Ka jingialehkai kaba bud hapdeng ka Moopala SC bad ka Chiehruphi SC kala wai khlem don mano mano ba ioh pynhih jar.

Ka Rymbai Wahshnong ka la pynliem da 2- 0 iaka Umlawang SC. Ia kine ki ar kol la thep da u Elvinstar Swer 39′ bad Verdictson Swer 67′.

Ki kynhun kiba iashimbynta ha kane ka lympung ki don haduh 24 tylli bad la phiah iaki haka 8 tylli ki thup.