Sdang ka U-13 Republic Day Cup ka WJDSA, jop bun kol ka Panaliar bad ka PSA

Syllad | The Rising MeghalayaJanuary 8, 2024

Ka jingialehkai football ki khynnah rit ka Under-13 Republic Day Cup Football Tournament ba la pyniaid da ka West Jaintia District Sports Association (WJDSA) kala sdang ha madan Kiang Nangbah Stadium, Jowai haka 8 tarik Kyllalyngkot.

Haba phai sha jingiakhun ka FAM ka la pynliem iaka Luti Tuber Ialong da 3-0. Iaki kol jong ka FAM la thep da u Dachanmitre Dkhar haka minit kaba 17 & 55 bad u Chelangki Shylla 25 minit.

Ka Catholic Youth Mihmyntdu ka la pynliem iaka Iawmusiang Nartiang da 3-0. Ia kine ki kol la thep da u Wandame Phawa haka minit kaba 7 & 50 bad u Charelang Phawa 53 minit.

Ka Panaliar ka la pynliem iaka Mynthong da 5-0. U Sawa o Phira ula thep da ka Hattrick haka minit kaba 22, 30 & 35, u Lewa o Sumer ula thep haka minit kaba 45 bad u Lammiki Kynjing haka minit kaba 49.

Ka Sabahmuswang ka la pynliem iaka Dulong da 2-1. Iaki kol jong ka Sabahmuswang la thep da u Deiwaemitre Shylla haka minit kaba 7 & 13, katba ka kol jong ka Dulong la thep da u Ozil Langshiang haka minit kaba 28.

Ka Iongpiah ka la pynliem iaka Sailung Ialong da 2-0 bad ia kine ki kol jong ka Iongpiah la thep da u Saiwotkibor Suwer haka minit kaba 18 bad u Kynsai Manner haka minit kaba 38.

Haka jingialehkai kaba khatduh jong kane ka sngi, ka P.S.A ka la pynliem iaka Demthring da 4-0. Ia kine ki kol jong ka PSA la thep da u Shemiki Myrchiang haka minit kaba 35 & 39, u Deibormi Mulieh 58, bad u Wallam Pyrtuh 59 minit.