Sdang ka open to all T20 Cricket ka AJCA, hap pynsangeh ba ther u slap

Syllad | The Rising MeghalayaMarch 11, 2021

Ka lympung ialehkai Cricket- Ka Open to All T20 Cricket Tournamnet kaba pyniaid da ka All Jaintia Cricket Association kaba la sdang mynta ka sngi da ka jingiakhun ka Lion Sports and Youth Affairs (LSYA) pyrshah iaka Umshangiar la hap ban pynsngeh noh na ka daw ba wan ther jur u slap ha madan Jrisalein, Chutwakhu, Jowai.

Ia kane ka lympung la wan ban plie paidbah da u ma Arwotki Sumer, Apex Council Member, Meghalaya Cricket Association haka jingiadonlang u President ka AJCA  u ma Eddy Shylla, Treasurer ma Embhahlang Shylla, General Secretary ma Issaiah Muksor bad kiwei de ki dkhot ka AJCA.

Ha kane ka lympung ki don haduh 10 tylli ki kynhun kiba wan iashimbynta kiba kynthup ia ka Khimmusniang, Moodymmai, HUCC, Khliehtyrshi Sports Club, 4-Mookaiaw United, Chutwakhu, Rising Star, Ummulong, Lion Sports & Youth Affairs (LSYA) bad ka Umshangiar.

Haba phai sha ka jingiakhun ka Umshangiar kaba la tied shuwa kala kamai 233 run. u Ma M Pariat marwei ula kamai 100 run. Katba ka LSYA haba la dei ka pali jong ka ban tied kala kamai 54 run bad liem 3 wickets bad ha kane ka por u slap ula ther jur bad la ban pynsangeh ia kane ka jingiakhun. Ia ka jingiakhun ba dang sah yn bteng ha kawei pat ka sngi.